Elfde van d’n Elfde Kölle.

’t Begós al op ’t statión van Venlo met kóffie en beer en beer en beer. De ganse meute vertrok nao perron twieë, richting Kaldekerke. Met vuuël mezièk in d’n trein arriveerde we in Mönchen-Gladbach, wao ein meute vrouwluu instapde met tasse vol jajem. WOLLEN SIE PRÜFEN? ’t Begós dus al good. In Kölle aangekómme woort metein in de statiónshal met vuuël geweld mezièk gemak. Ladinge Japanners stónde dao klaor met eur foto-toestelle. Speulend lepe we de trappe op langs d’n Dom, en klepde beej Jozef Fruu EIN lekker glaeske Kölsch. Aan de Rhein waas ’t good träöte (letterlik en figuurlik) same met andere joekskepèlle oèt Venlo. Rónd 20 oor truuk nao hoès. ’t Waas zoeë as idder jaor ein grandioos sukses in Kölle. Tot volgend jaor maar, want op zaoterdaag 11 november 2006 meuge we ‘t weer perbere.

Groeten, Arno Aerts

.