’t Verhaol van ós kiets.

Jaore geleje waas d’r ein kepèl in Blièrick die einen SRV (vruùger VMB) had umgebouwd tot  joeksmobiel.
Toen zeej d’r ein punt achter zoote, krege weej det mobiel aangebaoje.
Det waas veur ein vrinde-prièske (middels ein verloeëting).
 De wage woort gans gestrip en opniej in de lak gezatte.
Eine motor zoot d’r toen al neet mièr in en dus meus det geval getrokke waere door einen traktor.
’t Haet hiel waat zweitdröppels gekos tièdes die paar ritte.
Zoeë erg det  beej 't jaorlikse oètstepke gestop meus waere umdet de as gebraoke waas.
 Maar…dankzij Dolf en Piet woort det dezelfden daag nog gerepareerd.
Ónderwiel hadde weej al ein stök in de K…(geej raojt ’t al) kraag.
’t Woort zoeë gortig det we neet mièr in Straole met de vastelaovesoptoch mei mochte.
En dus… slope daen handel.
Of ’t zoeë meus zien, vónde we eine gooje sponsor met hert veur Me Dunk en krege eine Mercedes.
 Ein oètdaging veur ós dao ein constructie veur te bedinke want hae meus gans mobiel bliève.
 En det is gelök, de constructie van Dolf werk perfek.
In korten tièd waas ’t baovestök d’r vanaaf (dus klaor veur de APK).
De kins euveral ónderdoor met die kiets en meugs d’r zelfs mei nao Duitsland rieje.
 (vaerder kómme we toch neet).
Dan nog ein hiel belangriek veurdeil van dae wage:
DE HOOFS NEET TE LOUPE!!!!!
En zoeë  laef ós kiets nog lang en gelökkig

Groetjes
Sjaak Velmans